Arbeid på mølle, Roan24. September 2019
Piaspe haize-proiektua
Piaspe haize-proiektuak 33 MW-ko potentzia ahalmena izango du eta Azpeitia, Zestoa eta Errezil udalerrietan kokatuko da. Bost haize-sorgailu izango ditu guztira, 24.300 etxebizitza energia garbi, eskuragarri eta autoktonoz hornitzeko adina. Instalazioa izapidetza-fase goiztiarrean dago oraindik, eta 2027an funtzionatzen hastea aurreikusten da.
Arreta lurraldean jarriz
Piaspe haize-parkea abian jartzeak aukera emango die euskal herritarrei eta tokiko industriari Euskadiko energia-trantsizioaren prozesuan zuzenean parte hartzeko. Parke honen garapena lankidetza- eta kooperazio-espirituan oinarritzen da, betiere proiektua lurraldean ahalik eta hobekien txertatzeko helburuarekin.
Horren froga da KREANekin dugun aliantza, Euskadin proiektu berriztagarrien garapenerako eredu berri bat ezartzeko.
Are gehiago, Piaspek tokiko enplegua sortzea eta inguruko enpresa-sarea dinamizatzea ekarriko du, eraikuntza-, operazio- eta mantentze-faseetan 81 lanpostu sortuz, eta ahal den guztietan tokiko enpresei eta hornitzaileei erosketak egitea lehenetsiz. Gainera, Statkraft-en talde teknikoa hainbat bide aztertzen ari da euskal industriari energia garbia prezio egonkorretan hornitzeko.
Ingurumen-jasangarritasuna
Piaspek proiektuak ingurumena zaintzeko, babesteko eta lehengoratzeko plana du bere baitan. Plan horretan, inguruneak jasan ditzakeen ondorioak ahalik eta gehien gutxitzen lagunduko duten hainbat ekintza sartuko dira, baita eremuko berezko biodibertsitatea babesten lagunduko dutenak ere.
Gure proiektuak hegazti-faunarekin, nekazaritzarekin eta abeltzaintzarekin bateragarriak izateko diseinatuta daude. Gainera, azken belaunaldiko teknologia erabiltzen dugu, haize-sorgailuak ahalik eta eraginkorrenak eta isilenak izan daitezen. Martxan jartzean, Piaspe haize-parkeak atmosferara 21.937 tona CO2 isurtzea saihestuko luke urtero.
Kokapena
Piaspe haize-parkea Gipuzkoan kokatuko da, Azpeitia, Zestoa eta Errezil udalerrien artean.
Principales magnitudes
-
Instalatutako potentzia33 MW
-
Haize-sorgailuak5
-
Hornitutako etxebizitzak24.300
-
Enplegua81